مفهوم البشر لشخصيتك او الغير
كتبت زينب الجمل
نائب مدير مكتب السويس لجريدة مصر اليوم نيوز
مفهوم البشر لشخصيتك او الغير ، مش مهم حد يفهم تصرفاتك غلط لان بتتفهم بدماغه لان مادخلش جواك علشان يفهمك سواء صدقت او كدبت او جيت علي نفسك علشان غيرك ماتهتمش بحد لان مش البشر اللي هايحسبك في ربك ورب غيرك فوق شايفك وعارفك ودي كفاية اما العبد ولا يهم ولا يذكر تذكر بس ربك ربك واعمل علشانه مش علشان الناس لانك مهما اثبت حقيقتك للغير لااسف هاتبقي برده انت الغلط لانهم بينظروا بعيونهم مش بعيونك واللي في قلبك يعلمه ربك مافيش حد بيعلم ما في القلوب والوجع بيبقي ليك وحدك والحزن ليك وحدك حتي لو حد شاركك لحظة وجودك بس وبعدها بتبقي لوحدك وسط وجعك واحزانك الشيلة بيشلها صاحبها وسلام عليكم
وعليكم السلام ربنا معاكم ان شاء الله متشكرين
علي ايه ده اقل واجب كلها مصطلحات وهمية ويقولك في الاخر عيش لنفسك ماحدش بينفع حد ليه يا ناس
مقولة غلط بالعكس الناس بالناس واللمة الحلوة والمحبة بس
علي صدق وامانة مش غش ووجوه كدابة بيبان والله بالاحساس ومجرد نظرة في العين المحبين من والمنافقين
برغم ساعات لا مش ساعات ده اكيد وحصل سنين بنتخدع في وجوه بتمثل عليك العطاء والحب والود وتكتشف فجأة
بالعكس تماما صدمة صدمة جامدة خصوصا لما تكون من اقرب ماليك في خانة عالية قوي قوووي لما بتفوق بتتوجع قوي وجع صعب بتحس بعدها انك كنت اهبل قوي وتمشي وتنساب وراء كلام موسيقي في الأذن والحاااااان كلام
مصتنع مالهوش اساس ايه ده هي الحياة كده كلها صدمات
صدمة ورا صدمة بس المهم تفوق ماتتضحكش علي نفسك
وماتجيش علي علي نفسك علشان غيرك كفاية صدمات
ليه تعرض نفسك للمبررات واثبات انك تقصد او ماتقصدش
هايهمك في ايه الناس انها تتعاون مع شخصيتك
صدقك لنفسك مش للناس
